Светската анти-допинг агенција (ВАДА) свика вонреден состанок на кој ќе се разговара за случајот со 23 кинески пливачи кои беа позитивни на забранет лек, но сепак им беше дозволено да се натпреваруваат на Олимписките игри (0И) во Токио 2020 каде што освоија шест медели.
На состанокот во петок, Одборот што брои 42 члена, највисокото тело на ВАДА, составен од претставници на олимпиското движење и разни јавни лица, треба да биде „детално информиран за оваа важна работа од експертите на ВАДА“.
ВАДА беше критикувана кога минатиот месец беше откриено дека пливачите не биле суспендирани иако пред Игрите 2020-та биле позитивни на тестот за лекови за срце, триметазидин, кој може да ги подобри перформансите.
ВАДА рече дека „не е била позиција да ги побие“ наодите на Кинеската антидопинг агенција (Кинада) дека контаминацијата е причината за неуспешните тестови.
Главниот извршен директор на Американската антидопинг агенција (Усада), Тревис Тајгарт обвини за прикривање што ВАДА го отфрли како „целосно лажно и клеветнички“. Други критичари беа „Акватикс ВБ“, која рече дека е „екстремно загрижена“ околу обвинувањата.
ВАДА почна независна ревизија на случајот, а наодите се очекува да бидат готови до лето.