Англискиот шампион Манчестер Сити и Њукасл Јунајтед се заинтересирани за крилниот напаѓач Педро Нето, но Вулверхемптон ќе бара 60 милиони фунти за неговите услуги на лето, пренесува „Телеграф“. Волците ќе треба да продадат некои од нивните сегашни играчи за да му помогнат на менаџерот Гери О’Нил да го преорганизира својот тим, а Нето би можел да биде совршена „жртва“ со оглед на големиот интерес за него.
Португалецот имаше сезона исполнета со повреди, но Вулверхемптон сè уште сака најмалку 60 милиони фунти пред да разгледа какви било понуди за 24-годишниот крилен напаѓач. Телеграф додава дека Волвс не се под притисок да собираат пари за да избегнат прекршување на правилата за профитабилност и одржливост на Премиер лигата ова лето, бидејќи минатата година направија повеќе од 140 милиони фунти со продажба на играчи.
Матеус Нунес, Рубен Невес, Раул Хименез, Нејтан Колинс и Конор Коади беа главните играчи кои си заминаа минатото лето кога Вулвс презеде драстични мерки за да спречи прекршување на финансиските регулативи.
Сепак, менаџерот Гери О’Нил е свесен дека промената на неговиот тим пред следната сезона ќе зависи од барем една голема продажба, а Нето потенцијално ќе стане главниот извор за заработување на солидна сума. Иако сезоната на крилниот напаѓач беше скратена поради две различни повреди на тетивата, Португалецот сепак ја заврши сезоната со два гола и девет асистенции.