Португалија ја совлада Словенија со 3:0 на пенали и се пласираше во четвртфиналето на ЕП. Регуларниот дел од натпреварот заврши без голови 0:0, како и дополнителниот, по половина час игра.
Португалците во четвртфиналето ќе играат против Франција која ја победи Белгија со 1:0. Тој натпреварот е закажан за 5 јули (21 часот) во Хамбург.
Португалскиот голман Диого Коста одлично се снајде во пенал рулетот, ги одбрани трите удари на словенечките репрезентативци, на Јосип Иличиќ, Јуре Балковац и на Бенјамин Вербич. За Португалецот погодија Кристијано Роналдо кој промаши пенал во судиското продолжение и Бруно Фернандеш и Бернардо Силва.
Така, Диого Коста стана првиот голман во историјата на ЕП кој одбранил три пенали во пенал рулетот и првиот во историјата кој не примил гол. Интересно, на големите натпреварувања, три пенали одбраниле вкупно четворица голмани
Таа чест им припаѓа на Португалците и на Хрватите. Прв тоа го направи португалскиот голман Рикардо, против Англија на Мундијалот 2006 година, подоцна Данијел Субашиќ, на СП 2018 година против Данска и Доминик Ливаковиќ на СП 2022 година против Јапонија.
Словенија стана првата репрезентација во историјата на ЕП што не реализирала ниту еден пенал, а заедно со Португалија поставија уште еден рекорд, за најмалку вкупни пенали, само шест.
Досега рекордот на ЕП го држеше меч кој сите хрватски навивачи би сакале да го избришат од меморијата. Станува збор за натпреварот меѓу Хрватска и Турција во четвртфиналето на ЕП 2008, кога беа шутирани вкупно седум пенали.