Иако се поврзуваше со германскиот гигант Баерн Минхен, Зинедин Зидан не разговарал со клубот за тренерското место. Баварците се во многу сериозна криза под водство на Томас Тухел, а шпекулациите за негова смена стануваат сериозни.
Различни извори тврдат дека Зидан е еден од главните фаворити за замена на Тухел, а преговорите веќе се во тек.
Сепак, овие шпекулации се демантирани, а извор близок до клубот потврди дека Баерн немал никаков контакт со Зидан, кој моментално е без ангажман. Со Баерн се поврзуваат и други имиња како Оле Гунар Солскјер и Антонио Конте.