Макс Килман ќе биде ново засилување за Вест Хем. Фудбалерот на Вулверхемптон за сума од 40 милиони фунти ќе ги засили „чеканите“.
Двете страни се приближуваат до договор за трансферот, а дефанзивецот веќе замина во Вест Хем на лекарски прегледи. Њукасл исто така доставил понуда за играчот, но Килман се решил за Вест Хем поради Хулен Лопетеги, кој соработуваше со Килман и го направи капитен за време на неговиот претходен период во Вулверхемптон.
Понудата од 25 милиони фунти на Вест Хем на почетокот на преодниот рок беше одбиена, како и понудата од 30 милиони фунти на Наполи од минатата година.
Минатата сезона Килман одигра 38 натпревари во Премиер лигата и постигна два гола.