Младиот фудбалер на Ливерпул, Коди Гакпо, доби јавна пофалба од страна на капитенот на „црвените“, Вирџил ван Дајк. По победа кај Фулам која го задржа тимот на Ливерпул во трката за титулата во Премиер-лигата, корпулентниот Холанѓанец изјави дека младиот Гакпо е значаен дел од тимот.
-Мислам дека Коди е извонреден откако пристигна. Имаше проблеми да се адаптира на неколку позиции но, успеа тоа да го надмине. Тој сака да учи и да покаже дека е значаен дел од екипата – потенцираше дефанзивецот на англискиот состав.