Најмалку девет полицајци се повредени во судир со српски навивачи во центарот на Минхен пред одлучувачкиот осминафинален натпревар меѓу Данска и Србија (0:0) објави германската новинска агенција ДПА.
Конфликтот почнал вчера околу 17 часот на централниот градски плоштад, Мариенплац, кога полициски службеници вршеле претрес на еден од навивачите поради сомнение дека поседува пиротехнички средства.
Според полицијата, тоа било причина тие да почнат да фрлаат шишиња и други предмети кон нејзините припадници, кои потоа возвратиле со солзавец и со палки.
По тој судир на Мариенплац, српските навивачи продолжиле да користат пиротехнички средства во близина на станицата на метрото, но и внатре во стадионот.
Поради тоа, неколку лица се обвинети за нарушување на јавниот ред и мир, нанесување тешки телесни повреди и напад на полициски службеници. Нема информации за бројот на повредени српски навивачи.