Голманот на репрезентацијата на Англија, Џордан Пикфорд, стана херој на својата земја по оној одбранет пенал на Аканџи во првата серија од пенал-рулетот со Швајцарија.
Според статистиката, Пикфорд одбранил 4 од 14-те пенали кои биле изведени кон неговиот гол во серија удари од пенали на големите турнири. Ова е двојно повеќе одбранети пенали од сите други голмани на Англија заедно меѓу 1990 и 2012 година. Во полуфиналето на Еуро 2024 репрезентацијата на Англија ќе игра со селекцијата на Холандија.