Репрезентацијата на Швајцарија вчера загуби од Англија во серија пенали откако по 120 минути мечот заврши нерешено, 1:1. Со тоа Швајцарија беше елиминирана од Еуро 2024.
Швајцарија досега петпати учествуваше во четвртфиналето на големите турнири и секогаш загуби токму во оваа фаза. Ова е најлошиот рекорд меѓу сите европски селекции по бројот на натпревари во оваа фаза без победа.
За разлика од нив, Англичаните победија во пенал рулетот на едно ЕП за првпат по 1996 година.