Фудбалерот на Реал Мадрид, Начо Фернандез, размислува да си замине од редовите на шпанскиот состав откако ќе се реализира финалето во Лигата на шампионите против Борусија Дортмунд.
На капитенот му истекува договорот и тој допрва треба да каже кои се неговите планови.
На вчерашниот меч со Бетис на „Сантијаго Бернабе, Начо беше заменет и во моментите кога му ја предаваше лентата на Тони Крос, невообичаено долго остана на теренот за се поздрави со навивачите. Неодамна се појави информација дека за дефанзивецот се заинтересирани екипи од Саудиска Арабија.