Поранешниот напаѓач на Манчестер Јунајтед, Манчестер Сити и Јувентус, Карлос Тевез ја напушти функцијата тренер на Индепендиенте, соопшти аргентинскиот клуб. Самиот 40-годишен тренер го известил претседателот на тимот за неговата одлука да си замине.
Тевез го презеде тимот минатото лето и го предводеше тимот на 31 натпревар во кои забележа 14 победи, 10 нерешени и 7 порази со гол разлика 37:27.
Поранешниот голгетер претходно беше на чело на друг локален тим, Розарио Централ.