Доскорашниот тренер на Новак Ѓоковиќ, хрватскиот стратег Горан Иванишевиќ, смета дека српскиот тенисер ќе се врати на голема сцена без оглед на елиминацијата од Рим.
Иванишевиќ деновиве беше присутен во Швајцарија, па тамошните медиуми го искористија за разговор со Хрватот, а тема која не можеше да се избегне беше Ѓоковиќ.
– Новак беше сит од мене, морав да заминам, тоа беше неминовно. Односите ни дојдоа едноставно до крај, толку беше. Ние се разделивме како пријатели, немаше расправии и секогаш ќе останеме пријатели.
Рим можеби е тло за дестабилизација на формата на Ѓоковиќ пред Ролан Гарос, но сепак Иванишевиќ верува дека српскиот тенисер работи на формата за гренд слем турнири.
– Елиминацијата од Рим не е ни важна, Гренд слем турнирите се приоритет за Ѓоковиќ. Ако биде психолошки подготвен, ќе го освои Париз. Мислам дека ќе биде мотивиран да го постигне тоа, тој никогаш не се предава, за него гренд слемовите се најважни, секогаш наоѓа начин да ги освои, порача Иванишевиќ.