Австриецот, Даниел Хубер, победи во финалниот натпревар од Светскиот куп во ски-скокови во Планица, Словенија со што успеа да ја добие битката со сонародникот Стефан Крафт во трката за малиот кристален глобус.
Домашниот ски-скокач Петер Превц кој го освои шестото место се прости од натпреварувачката кариера пред повеќе од 19.000 гледачи. Меѓународната скијачка федерација на неколку минути го прекина натпреварувањето по последниот скок на Превц.
31-годишниот натпреварувач за 15 сезони освои четири медали на Олимписките игри, три на светските првенства и пет во Светскиот Куп.