Џони Еванс и Ентони Марсијал се вратија на тренинзите на Манчестер Јунајтед. Двојката учествуваше на тренинг сесијата одржана денес пред дуелот со Кристал Палас во понеделник во Премиер лигата.
Еванс беше надвор од теренот по поразот од Челзи на почетокот на минатиот месец, а Марсијал беше недостапен откако беше подложен на операција на препоните во јануари. Последен пат се појави на натпревар во поразот од Бурнмаут на 9-ти декември 2023. Сè уште не е познато дали двојката ќе биде во составот за пресметката во понеделник во Лондон.
„Црвените ѓаволи“ имаат уште четири натпревари во Премиер лигата пред крајот на сезоната, како и финалето од ФА Купот против градскиот ривал Манчестер Сити.