Барселона има намера на лето да даде понуда за дефанзивниот играч за врска на Баерн Минхен, Џошуа Кимих, пренесува „Мундо Депортиво“.
Според истиот извор, 29-годишниот фудбалер е приоритет на каталонскиот клуб. Кимих го привлече вниманието на стручниот штаб на Барселона со неговата техничко-тактичка работа, физичката способност и искуството со Баварците на европските турнири.
Втор на потесниот круг на Каталонците за позицијата играч за врска е 30-годишниот Гвидо Родригез од Бетис, со кој веќе има усмен договор. Кимих му се приклучи на Баерн од Штутгарт во јули 2015 година за сума од 8,5 милиони евра. Оваа сезона Кимих одигра 39 натпревари, постигна 2 гола и направи 10 асистенции.