Првите две кола на Вимблдон не беа „прошетка во парк“ за бранителот на титулата Карлос Алкараз, но 21-годишниот шпански тенисер ги мина без загубен сет и обезбеди меч против Американецот, Френсис Тиафо.
На стартот од турнирот Алкараз два сета се мачеше со естонскиот квалификант Марк Лајал, а во 2. коло беше на прагот да го загуби првиот сет против Австралиецот, со црногорско потекло Александар Вукиќ, но на крајот славеше со 7:6, 6:2, 6:2.
Светскиот тенисер број 1, Италијанецот Јаник Синер, се пласираше во 3. коло на Вимблдон победувајќи го својот сонародник и финалист на овој турнир во 2021 година Матео Беретини со 7:6, 7:6, 2:6 и 7:6 по 3,42 часа игра.
Во 3. коло Синер ќе игра против Србинот, Миомир Кечмановиќ кој го совлада Холанѓанецот, Талон Грикспур со 4:6, 7:6, 1:6, 6:2 и 6:3.
Петтиот носител Данил Медведев исто така се мачеше, беснееше во првиот сет, се расправаше со своите тренери, но најде начин да забележи победа против Александре Милер со 6:7, 7:6 , 6:4 и 7: 5.