Голема борба за пласман во првата лига во Холандија. Враќање во елитното друштво обезбеди Вилем втори, а на дофат на тој успех беше Рода која во петокот на домашен терен го победи Камбур со 2:0.
Нивните ривали во битката за второто место, Гронинген, губеа со 0:1 од Телстар и се чинеше дека славењето може да почне. Но Гронинген успеа да израмни во 95. минута и така остана во борба за пласман во Ередивизие. Но навивачите на Рода, сепак, добија нешто поинакви информации.
Официјалниот најавувач на стадионот, Вим Фрајнс објави дека Телстар води со 2:1, по што пресреќните навивачи втрчаа на теренот и почнаа бурно да слават.
– Некој ми кажа дека Телстар постигнал гол. Луѓето плачеа покрај мене од среќа. Фудбалерите на Рода се вратија на теренот да слават со навивачите. Мислев дека информацијата е точна. Дури подоцна дознав дека нема гол. Но, никој не можеше да ги спречи навивачите да слават, призна најавувачот кој е најголемиот виновни за целата ситуација.
По ова Гронинген и Рода во последното коло, во директна пресметка ќе одлучат за пласман во највисокиот ранг на холандскиот фудбал. Гронинген игра дома и му треба победа, а на Рода и е доволно и реми.
03/05/2024 Netherlands🇳🇱
Roda JC supporters invading the pitch, thinking they secured promotion to the Eredivisie… Until FC Groningen scored in 90+5 and the promotion party got cancelled. 😂👀Next week Groningen will play Roda JC at home, winner will be promoted! pic.twitter.com/1fB76dePfO
— 𝐂𝐚𝐬𝐮𝐚𝐥 𝐔𝐥𝐭𝐫𝐚 𝐎𝐟𝐟𝐢𝐜𝐢𝐚𝐥 (@thecasualultra) May 3, 2024