Францускиот дефанзивец Рафаел Варан би можел да се врати во родниот Ленс на лето. Договорот на 31-годишниот дефанзивец со Манчестер Јунајтед истекува на крајот од сезоната и нема да биде обновен.
Дефанзивецот кариерата ја започна во Ленс, каде играше до 2011 година, кога беше ангажиран од Реал Мадрид.
-Имавме интересни разговори и самиот Варан рече дека ќе размисли, ќе видиме што ќе се случи, изјави 53-годишниот тренер на тимот Франк Хајсе.
Во Франција пишуваат дека понудата на францускиот клуб до Варан е за двегодишен договор. За него е заинтересиран и Челзи.