Во ПСЖ се надеваа дека ќе го ангажираат Виктор Осимен од Наполи, но очигледно нема ништо од таа работа и овој играч среќата ќе си ја бара некаде на друго емсто.
Освен од Париз, за овој играч има заинтересирани клубови од Саудиска Арабија, што е реална опција за Осимен, а ПСЖ ќе мора да си најде на друго место соодветна замена за Килиан Мбапе.
Од друга страна, Наполи скоро сигурно го губи Осимен и ќе мора да бара нова гол машина за новата сезона. Главната сопка што ПСЖ не го реализира ова со Осимен е што одбиваат да ја отклучат откупната клаузула која е тешка 130 милиони евра.
Според информации од италијанските медиуми, ПСЖ понудиле само 70 милиони евра за Осимен.
Виктор Осимен со своите игри минатата сезона беше еден од најдобрите поединци во Европа и со тоа го привлече вниманието, а повеќекратно си ја зголеми и својата трансфер цифра.