Американскиот кошаркар, Дуан Вашингтон јуниор треба да биде ново засилување на Партизан за следната сезона, пренесува „Моцарт спорт“.
Вашингтон игра на бековската позиција, има 24 години и солидно искуство кога е во прашање НБА лигата каде што настапуваше за Индијана, Феникс и за Њујорк.
Кошаркарот е роден во Франкфурт, каде што неговиот татко играше за Скајлајнерс, а професионалната кариера ја почна во сезоната 2021/22. Тој потпиша за Индијана и играше во Г лигата, пред да се пресели во Феникс во 2022 година.
Тој го одигра најдобриот натпревар во НБА во декември 2022 година, за Феникс, кога на Мемфис му даде 26 поени. Негов последен клуб беше Њујорк.
Негов вујко е познатиот НБА ас, Дерек Фишер, кој пет пати освојуваше шампионски прстен и во кариерата најдолго настапуваше за Лос Анџелес Лејкерс.