Фудбалската асоцијација на Англија го закажа финалето за ФА Купот на 25 мај во 15 часот по локално време односно 16 часот по средноевропско време, објави ФА.
Во финалето ќе се сретнат две екипи од Манчестер, Манчестер Јунајтед и освојувачот на трофејот Манчестер Сити. Времето на натпреварот е задржано од минатогодишното финале и беше објавено од ФА во консултација со полицијата, британските власти и радиодифузерите.
Местото за надигрување во финалето останува традиционално стадионот „Вембли“ во Лондон. Во последниве години, ФА закажа финалиња за трофеј во вечерните часови, но организацијата се врати на традиционалното попладневно време минатата година.
– Првиот судиски сигнал на натпреварот е закажан за 15 часот по локално време. Одлуката е донесена заеднички со клубовите, локалните власти, полицијата и телевизиите кои ќе го пренесуваат натпреварот во живо, објави ФА