Најдобрите ракометарки на Македонија ги дознаа противничките за Европското првенство (ЕП), како и термините за одигрување на средбите.
Македонија е во групата А, во унгарскиот град Дебрецин. Во првиот меч на 28 ноември, Македонија ќе игра со фаворитот Шведска, два дена подоцна е мечот со Турција, а на 2 декември, дуелот со Унгарија.
Првите две селекции од шестте групи ќе ги продолжат мечевите во главната рунда на ЕП, што ќе се одржи во Унгарија, Австрија и во Швајцарија, од 28 ноември до 15 декември годинава.