По двата меча и двата пораза, од Франција и од Германија, во групата А, Македонија вечерва (18 часот) во Берлин во мечот против Швајцарија, ќе се обиде да ја прекине низата од седум порази на ЕП.
Последната победа Македонија ја забележа на ЕП 2020 година, против Украина (26:25). Оттогаш па досега следуваа седум порази, на ЕП 2020 од Чешка (25:27) и од Австрија (28:32). На ЕП 2022 од Словенија (25:27), од Црна Гора (24:28) и од Данска (21-31).
На ЕП 2024 Македонија загуби од Франција (29:39) и од Германија (25:34).
Со 73-те примени гола, Македонија има една од најлошите одбрани на турнирот (повеќе голови на првите две средби прими само Грузија, 76). Од друга страна пак Швајцарија го има најнеефикасниот напад (даде само 40 гола).
Македонија и Швајцарија никогаш не се сретнале на завршен турнир на ЕП. Во квалификациите за ЕП играле шест пати и сите шест меча ги добила Македонија.
– Сакаме да си одиме дома барем со една победа, па затоа ќе дадеме 100 насто на денешниот натпревар. Сакаме да им се заблагодариме на нашите навивачи кои допатуваа за да не’ поддржат, сакаме да се гордееме со победа, иако веќе сме елиминирани, вели Милан Лазаревски, пикерот на Македонија.