Ливерпул го победи Реал Мадрид со 2:0 во најатрактивниот натпревар од петтото коло во Лигата на шампиони (ЛШ). Стрелци на головите беа Алексис Мекалистер и Коди Гакпо.
Рио Фердинанд, легендата на Манчестер јунајтед, во стручна анализа за ТНТ по натпреварот изјави дека „црвените“ делуваат како најдобар тим во Европа.
– Во моментов наликуваат на најдобар тим во Европа. Играат тимски, изгледаат како „гладни“ поединци. Не само што победуваат, туку изгледаат и како да не се хранети со години. како ротвајлери кои трчаат низ теренот бркајќи ги противниците“, рече Фердинанд.
Карло Анчелоти, тренерот на „кралевите“ изјави дека неговиот тим заслужил да загуби: “Да бидам целосно искрен, тоа е фер резултат. Ливерпул заслужи да победи. Имаат навистина добра динамика, тие се во одлична форма и играат со висок интензитет”.
Анчелоти го бранеше францускиот напаѓач Килијан Мбапе кој летово пристигна од ПСЖ.
– Не треба да го осудуваме заради промашениот пенал. На сите играчи тоа им се случува. Мора да продолжи да работи, а ние мора да бидеме трпеливи со него, бидејќи тој е неверојатен играч.
Џуд Белингем исто така признава дека Ливерпул бил подобар и оти ја заслужил победата:
„Тие беа поподготвени од нас, и тоа е навистина разочарувачки да се каже. Ова е лош резултат против тимот кој ги има најдобрите перформанси во Европа во моментов. Не е срамота да се загуби овде, но ние сме разочарани од тоа како одигравме“, рече тој.