Црвена ѕвезда претрпе тежок пораз на гостувањето во Истанбул, во 34. коло од Евролигата, од Анадолу Ефес со дури 45 поени разлика, 55:100!
Пред последното, 34. коло од Евролигата, „црвено – белите“ беа без никакви шанси за пласман во плеј-офот, но се очекуваше да се борат за „српската чест“ во Истанбул.
Поточно, доколку славеа против Ефес, тогаш Партизан со евентуална победа над Валенсија, ќе обезбедише пласман во дополнителниот плеј-оф, популарно наречен „плеј-ин“.
Но, не само што Црвена ѕвезда не победи во Истанбул, туку напротив, доживеа еден од најтешките порази во 79-годишната клупска историја, воедно и најголем пораз во Евролигата.
Најголемиот пораз во клупската историја кошаркарите на Ѕвезда го претрпеа во 1963 година, кога Олимпија ги победи со 54 разлика (140:86).
Тие поставија и негативен рекорд во Евролигата. Најголемиот пораз досега им беше 53:91 (38 поени) од Химки, во 2015 година, а сега успеаја да го „надминат“ тој рекорд за дополнителни седум поени.
Натпреварот го одбележа и исклучувањето на ветеранот Милош Теодосиќ, кој не се смири по првата техничка во третиот период. Продолжи да им проговара на судиите, кои потоа му доделија втора, па исклучување…