Кошаркарот на Реал Мадрид, Еди Таварез, истакна дека се надева дека во следниот период ќе постигнат договор со „кралевите“ за негово останување.
Нешто порано месецов, шпанските медиуми јавуваа дека е постигнат конечен договор помеѓу џинот од кошаркар и Реал Мадрид, но од тоа се уште нема ништо на повидок.
Таварез по многуте шпекулации околу тоа дали ќе ги напушти редовите на актуелниот шампион на Европа, се јави и порача:
– Не е до мене, од клубот зависи. Фактот што договорот ми завршува, не ме спречи да се натпреварувам на највисоко ниво, секогаш мора да дадете максимум од својата енергија и да не се штедете. Се надевам дека конечно ќе постигнам договор со Реал и дека ќе останам во Мадрид. Ја сакам културата на градот, луѓето, моето семејство е овде, Реал е одличен тим. Никогаш не знаете што ќе се случува, но сакам да останам овде, порача Таварез.
Репрезентативецот на Зеленортските острови, во Мадрид пристигна во 2017 година, а оваа сезона имаше просек од 9,6 поени, 6,6 скокови и 1,5 асистенции по натпревар.