Струга ова лето ќе биде домаќин на 52. издание на традиционалниот струшки ракометен турнир, на кој овој пат ќе настапат три екипи од Македонија и три од странство. \
Домаќинот ги потврди настапите на македонскиот првак Еурофарм Пелистер, ГРК Тиквеш од Кавадарци, како и тимот на Струга. Овие три екипи ќе бидат домашни адути на еден од најстарите турнири во Европа. Се очекува потврда и објава на трите странски екипи кои ќе играат во Струга. Турнирот ќе се одржи од 14 до 17 август на Отвореното игралиште.