Тренерот на Арсенал, Микел Артета изјави дека во иднина би сакал да работи во својата татковина – Шпанија.
– Отсекогаш мислев дека еден ден ќе се вратам. Многу ја сакам мојата земја: нашиот начин на живот, комуникација, култура. Така што секогаш го чувам тоа во мојата глава. Но, јас сум среќен овде во Арсенал, ми се допаѓа начинот на кој се однесуваат кон мене и навистина сум среќен со мојата работа. И покрај тоа, ми се чини дека еден ден ќе се вратам, немам намера цел живот да го поминам надвор од мојата татковина, рече Артета за време на говорот во шпанската амбасада.
Тренерот на Арсенал, за време на говорот во амбасадата, беше одликуван со шпанскиот орден Изабела Католичка, кој се доделува за дадени услуги на Кралството Шпанија и придонес во развојот на меѓународните односи.