Артем Довбик: Задоволен сум во Џирона, се чувствувам многу удобно

Напаѓачот на Џирона, Украинецот Артем Довбик проговори за интересирањето од врвните клубови на европскиот фудбал. Претходно во медиумите се појавија вести дека 26-годишниот фудбалер во своите редови го посакуваат Арсенал, Атлетико Мадрид, Милан и Барселона.

– Среќен сум во Џирона. Се чувствувам удобно со сите во овој тим, покрај играчите, тренерот и раководството на тимот. Сите се однесуваат одлично со мене и создадоа такви услови да можам да играм најдобро во кариерата, изјави Дивбик за „АС“.

Минатата сезона украинскиот напаѓач одигра 41 натпревар, постигна 25 гола, плус 10 асистенции и стана најдобар стрелец во Ла лига со 24 гола.

Довбик се пресели во Џирона од Днепр-1 во август 2023 година. Трансферот изнесуваше 7,75 милиони евра, а тој има договор со клубот до јули 2028-та. Во моментов неговата вредност на фудбалскиот пазар се проценува на 35 милиони евра.

ПОВРЗАНИ НОВОСТИ





НАЈНОВО