Шпанецот Карлос Алкараз ја одбрани титулата на мастерс турнирот во Индијан Велс, откако во финалето го сруши Данил Медведев со 2:0 во сетови.
Алкараз успеа да дојде до првиот трофеј по Вимблдон минатата година, во меч кој траеше еден час и 44 минути.
Тој го освои својот петти мастерс, а вкупно 13. титула во кариерата. Исто така, стана првиот тенисер кој ја одбранил титулата во Индијан Велс, откако Ѓоковиќ ја освојуваше три пати во периодот од 2014 до 2016 година.
– Имав многу недоумици пред турнирот, не бев сигурен дали ќе играм најдобро што можам поради скочниот зглоб, но се чувствував се подобро како одминуваше турнирот и по секој меч. Ова веа тешки месеци за мене, победите и триумфот во финале на овој турнир за мене беа значајни поради самодовербата, се пронајдов себе на овој турнир, порача Алкараз.