Македонската ракометна федерација на официјалната интернет страница им се зблагодари на навивачите на националниот тим кои синоќа дојдоа во салата „Борис Трајковски“, но и до сите оние кои пред малите екрани ги бодреа ракометарите.
– Ракометната Федерација на Македонија упатува голема благодарност до сите кои безрезервно и дадоа подршка на сениорската репрезентација во спортскиот центар „Борис Трајковски“, во победата против селекцијата на Фарските Острови.
Дополнително благодарност и до сите кои го следеа натпреварот и ги бодреа нашите ракометари пред малите екрани. Во рамките на програмските определби, Ракометната федерација на Македонија како приоритет број 1 ги има промоцијата и унапредувањето на македонскиот ракомет во меѓународни рамки.
Во текот на репрезентативните квалификациски циклуси/баражи и утврдени натпреварувачки системи од ЕХФ/ИФХ во машка и во женска конкуренција за сите возрасни категории, националните селекции обезбедија учество на следните завршни турнири на континентално и на мундијално ниво:
1. ЖЕНСКА СЕНИОРСКА РАКОМЕТНА РЕПРЕЗЕНТАЦИЈА Women’s EHF EURO 2024 (AUT/HUN/SUI) 28.11.2024-15.12.2024 2. МАШКА СЕНИОРСКА РАКОМЕТНА РЕПРЕЗЕНТАЦИЈА IHF Men’s World Championship 2025 (CRO/DEN/NOR) 14.01.2025 – 02.02.2025 3. ЖЕНСКА МЛАДИНСКА РАКОМЕТНА РЕПРЕЗЕНТАЦИЈА IHF WOMEN’S JUNIOR WORLD CHAMPIONSHIP 2024 (MKD) 19.06.2024-30.06.2024 4. МАШКА МЛАДИНСКА РАКОМЕТНА РЕПРЕЗЕНТАЦИЈА Men’s 20 EHF EURO 2024 (SLO) 10.07.2024- 21.07.2024 5. МАШКА КАДЕТСКА РАКОМЕТНА РЕПРЕЗЕНТАЦИЈА Men’s 18 EHF EURO 2024 (MNE) 07.08.2024- 18.08.2024
Честитки до сите ракометари и ракометарки, и до членовите на Стручните штабови на сите македонски ракометни селекции ! Вие сте наша гордост !!! Со почит , Ракометна Федерација на Македонија“, се вели во соопштението на РФМ.