Навивачите на Формула 1 (Ф1) не сакаат Себастијан Фетел да биде нов директор на Мерцедес, доколку Тото Волф биде отпуштен.
Фетел, кој се повлече од трките во 2022 година, беше поврзуван со враќање во мотоспортот на различни позиции во последните неколку месеци. Лошиот почеток на сезоната за Мерцедес ги засили шпекулациите за иднината на директорот Волф.
Австриецот е на чело на Ф1 тимот од 2013 година и беше дел од ерата на Луис Хамилтон во „сребрените стрели“. Заминувањето на Хамилтон во Ферари и лошата форма на Мерцедес го натераа Волф да се соочи со притисок околу функцијата.
Но навивачите веруваат дека Мерцедес треба да го задржи 52-годишниот директор, а Фетел да почека на тој ангажман.