Лоши вести за сите фанови на Мото ГП — Марк Маркез ја заврши сезоната предвреме поради нова повреда.
Повреда на рамото во Индонезија
Шпанскиот ас доживеа тежок пад за време на Големата награда на Индонезија, при што заработи фрактура на рамото и повреда на лигаментите. Лекарските прегледи потврдија дека нема да може да се врати на моторот до крајот на сезоната.
Дукати без својот шампион
Од Дукати потврдија дека Маркез ќе се фокусира на целосно закрепнување, за да биде подготвен за новата сезона 2026. Тимот нема да ризикува со предвремено враќање, иако неговото отсуство е голем удар за шампионскиот состав.
Седма титула, но горчлив крај
Маркез само неколку недели претходно го обезбеди својот седми трофеј, триумфирајќи на трката во Јапонија. Сезоната требаше да заврши славно, но наместо тоа – ќе заврши на болничко легло.
