Фудбалската репрезентација на Унгарија приреди вистинска драма во Лисабон, одложувајќи ја прославата на Португалија за сигурен пласман на Светското првенство. На преполн „Жозе Алваладе“, мечот заврши 2:2, а Доминик Собослај беше херојот на вечерта со гол во судиското надополнување што ја замолкна домашната публика.
Унгарија одлично го започна натпреварот и поведе уште во 8. минута преку Атила Салаи. Португалците одговорија пред крајот на првото полувреме, кога Кристијано Роналдо со два погодоци направи целосен пресврт и го доведе тимот до водство од 2:1. Со тие голови, Роналдо постави нов рекорд – сега има 41 погодок во квалификации, повеќе од кој било фудбалер во историјата, надминувајќи го Гватемалецот Карлос Луис.
Кога сите очекуваа дека домаќините ќе слават уште една победа и ќе ја потврдат визата за Мундијалот, Собослај ја презеде сцената. Со прецизен удар од далечина во 91. минута, капитенот на Унгарија ја донесе израмнувачката радост и им подари вредно реми на своите соиграчи.
Португалија и понатаму останува лидер во групата со 10 поени, пет повеќе од Унгарија, и е на чекор до официјален пласман. Но благодарение на магијата на Собослај, славјето во Лисабон ќе мора малку да почека.
https://mvo.crazyvidup.com/player/html/DZkzWBQpX98gX?popup=fromblocked&autoplay=1
