Лестер е обвинет од Премиер лигата за наводно кршење на правилата за трошење во последните три сезони.
Доколку бидат прогласени за виновни, на „лисиците“ кои сезонава играат во Чемпионшип, може да им бидат одземени поени. Тие се исто така предмет на посебна финансиска истрага од Англиската фудбалска лига (ЕФЛ).
Од Лестер, кој лани испадна од Премиер лигата, соопштија дека се „изненадени“ и „разочарани“, кога клубот не е во Премиер лигата. Од клубот додаваат дека ќе се „одбранат“ себеси „од какви било незаконски дејствија на фудбалските власти, доколку тие бараат да вршат јурисдикција таму каде што не можат да го сторат тоа“.
Лестер допрва треба да ги направи јавно достапни своите сметки за последната сезона во Премиер лигата, но во 12-те месеци, до мај 2022 година, тие загубија клупски рекордни 92,5 милиони фунти.
Евертон и Нотингем форест се соочија со слични обвиненија во врска со нивните сметки до 2022-2023 година, при што „шумарите“ беа прогласени за виновни и им беа одземени четири поени во понеделникот. Евертон остана без 10 бода во ноември, што беше намалено на шест по жалбата.