Тренерот на фудбалерите на Милан, Стефано Пиоли, се договорил со Наполи. Тој ќе седне на клупата на наполитанците на крајот на сезоната и ќе потпише договор за две плус една година.
58-годишниот стратег ги презеде „росонерите“ во октомври во 2019 година и досега има 236 натпревари во сите конкуренции. Миланезите под негово водство победија на 131 меч, 54 пати одиграа нерешено а претрпеа 51-еден пораз. Милан стана шампион на Италија во сезоната 2020/21.