Веќе извесно време во шпанските фудбалски кругови се шпекулира дека натпреварите од Ла лига би можеле да се играат во странство, а оваа идеја би можела да се оствари побрзо од очекуваното.

Пртседателот на Ла лига, Хавиер Тебас во април годинава потврди дека во одреден момент лигашките натпревари ќе почнат да се играат надвор од шпанските граници.

Прв ваков натпревар, како што пишува „Мундо Депортиво“, би требало да биде дербито Барселона – Атлетико Мадрид во декември годинава. Натпреварот ќе се одигра на стадионот „Хард рок“ во Мајами пред околу 65.000 гледачи.

Секако, за ова да се случи, потребна е дозвола од ФИФА, но и многу други работни и подготвителни дејствија.

Проблем во целата приказна би можел да биде фактот што Барселона планира да се врати на реновираниот „Кам Ноу“ за дербито со Атлетико. Засега се’ уште натпреварите ќе ги игра на олимпискиот стадион, Монжуик.