Претседателот на Здружението, „МТБ Илинден“, Ненад Стојановски, денеска во гостувањето на Спортско радио 90,3 фм, го најави специјалниот велосипедски настан во Општината Илинден кој ќе има и хуманитарен карактер.
– Минатата сезона за прв пат организиравме настан што имаше за цел преку велосипедизмот да ги покажеме убавините на нашата Општина и да им овозможиме на љубителите на здравиот живот да се дружат. Бевме изненадени од бројката на пријавени, се надевам дека годинава таа ќе биде уште поголема.
Нашата главна цел е да го доближиме велосипедизмот до најмладите, да покажеме дека тоа не е само спорт, туку и начин на здрав живот. Трасата ќе треба да се мине за четири до пет часа, а намерата е дружење, забава и рекреација. Сите што сакаат да учествуваат, може да се пријават на нашиот профил на социјалните мрежи, „МТБ Илинден“, истакна Стојановски.