Угледниот новинар Фабрицио Романо објави дека Манчестер јунајтед летово ќе се обиде го ангажира крилото на Кристал палас, Мајкл Олисе, како замена за Ентони.
За Ентони ова е втора сезона со „црвените ѓаволи“, но досега има дадено само еден гол и една асистенција, во ФА купот. Романо вели дека постои можност Ентони да замине доколку Манчестер јунајтед успее да најде замена за него.
Олисе е играч кого Јунајтед го следи подолг период, но останува да се види дали ќе може да се постигне договор околу неговата цена.