Менаџерот на Манчестер сити, Пеп Гвардиола ја коментираше ждрепката за четвртфиналето во Лигата на шампиони (ЛШ) во кое англискиот клуб ќе се сретне со Реал Мадрид.
– Тоа е како мала традиција да се игра со „кралевите“, три години по ред. Ждрепката не може да се контролира, ако луѓето велат дека е лесно, тоа е затоа што сакаат да ја нарушат самодовербата на противниците. Вториот натпревар на домашен терен е таков каков што е, изјави Гвардиола,
Првите четвртфинални натпревари ќе се одиграат на 9 и 10 април, а реваншите на 16 и 17 април 2024 година. Актуелен победник во ЛШ е Манчестер сити.
Во минатогодишното финале, тимот на Пеп Гвардиола го победи италијанскиот Интер (1:0) благодарение на голот на шпанскиот играч за врска, Родри.