Ерлинг Халанд се доближи до рекордот според постигнати голови за норвешката репрезентација по пријателскиот натпревар против Косово. Фудбалерот на Манчестер Сити му донесе успех на својот тим со 3:0 реализирајќи хет-трик.
Напаѓачот го отвори резултатот во Осло во 15. минута, во 70-та минута го постигна вториот гол, а во 75. го постави конечниот резултат.
Ерлинг Халанд сега има 30 гола на 32 натпревари за норвешката репрезентација. На 23-годишниот напаѓач му недостасуваат уште 3 гола да стане најдобар стрелец на сите времиња во историјата на неговиот национален тим.
Во моментов рекордот му припаѓа на Хорген Јуве, кој играше за тимот во периодот 1928 – 1937 година. Фудбалерот има 33 гола на 45 натпревари за националниот тим.