Новопромовираниот член на Првата македонска фудбалска лига, Арсими, активно работи на креирање конкурентен состав за своето деби во елитата.
Вечерва клубот официјално го претстави новиот офанзивец – Сикиру Оканлавон Олатунбосун, напаѓач од Нигерија кој важи за значајно засилување.
Олатунбосун ја започна кариерата во својот роден град настапувајќи за МФМ ФК, а потоа ги бранеше боите на неколку клубови во Турција, меѓу кои Анкараспор, Менеменспор и Тузласпор. Играше и во Египет за екипата на Смуха СЦ, а македонската јавност го памети од настапите за Воска Спорт.
„Станува збор за 27-годишен голгетер кој ќе донесе дополнителен квалитет во офанзивниот ред на жолто-црниот тим. Добредојде, Оли!“, објавија од Арсими.
