Анчелоти, како што вети, ја повтори култната фотографија на која носи очила за сонце и пуши пура за време на прославата на 36-та титула со Реал (М).
Оригиналната слика датира од 2022 година, кога Реал Мадрид славеше освојување на шпанското првенство и Лигата на шампионите откако го победи Ливерпул со 1-0 во Париз.
На неодамнешната прес-конференција Анчелоти потврди дека има намера да ја прослави новата титула шпански шампион со пура и очила за сонце, како пред две години.
Тој го одржа зборот и уште еднаш ја направи култната фотографија заедно со играчите на Реал Мадрид, Едуардо Камавинго, Винисиус Јуниор, Едер Милитао, Давид Алаба и Родриго.