Легендата на Португалија, Луис Фиго верува во шансите на Португалија да го освои ЕП 2024.
– Иднината на португалскиот фудбал е светла со неверојатно талентираната сегашна генерација и постојаниот прилив на надежни млади фудбалери низ академиите. На ЕП, Португалија има силен тим со добар баланс помеѓу искусни играчи и надежни млади играчи. Како и Светското првенство, исходот на ЕП често се решава во мали моменти, што ги отежнува прогнозите. Сепак, Португалија е меѓу 5-6 селекции кои ќе влезат на турнирот со голема самодоверба дека можат да го освојат. Едвај чекам да видам до каде ќе стигнат, изјави поранешниот играч за врска на Португалија, Барселона и Реал Мадрид.