Розовата куќа во која пораснал Мухамед Али сонувајќи за боксерската слава е на продажба. Куќата со две спални соби и со една бања во Луивил, Кентаки беше претворена во музеј, но сега е на продажба заедно со две соседни куќи, за 1,5 милиони долари.
– Да се најде купувач подготвен да го одржува домот од детството на Али како музеј ќе биде „најдобриот можен резултат“, изјави косопственикот Џорџ Бокето.
По смртта на Али во 2016 година куќата-музеј беше отворена за обиколки на заинтересираните. Бокето и неговиот деловен партнер ја реновираа надворешноста на куќата како во времето кога Али, тогаш Касиус Клеј, живееше таму со родителите и со помладиот брат.
-Влегувате во оваа куќа… се враќате во 1955 година и ќе бидете во средината на семејната куќа на Клеј, изјави Бокето за Асошијетед прес во интервјуто во 2016 година.
Користејќи стари фотографии, програмерите го реплицираа домот, мебелот, куќните апаратите, уметничките дела, па дури и розевата надворешност од деновите кога Али живеел таму.
Али почнал да боксува откако му го украле велосипедот. Сакајќи да ја пријави кражбата, 12-годишниот Али (Клеј), го запознал Џо Мартин, полицаец кој во слободното време бил боксерски тренер во локалната теретана.
Али му рекол на Мартин дека сака да го камшикува виновникот. Крадецот никогаш не бил пронајден, ниту пак велосипедот, но Али станал редовен во салата на Мартин.
Али живеел во розевиот дом во Луивил кога заминал на Олимписките игри во Рим 1960 година. Оттаму се вратил со златен медал, почнувајќи кариера што го направи една од најпрепознатливите фигури во светот на спортот, како трикратен боксерски шампион во тешка категорија и глобален хуманитарец.
Домот стана фокусна точка во целиот свет на денот на погребот на Али, кога стотици луѓе се редаа на улицата пред куќата додека полека минуваше погребната кола и погребната поворка.