Освојувачот на осум последователни големи „кристални глобуси“ за триумф во Светскиот куп (СК) во алпско скијање (од 2012 до 2019-та) се враќа од пензија по пауза од пет години!
Еден од најдоминантните спортисти во историјата и според многумина најдобар скијач досега, Австриецот Марсел Хиршер повторно ќе се натпреварува во СК, на 36 години, но не за родната земја, туку за земјата од која е мајка му, Холандија!
– Жалиме за неговата одлука да настапува за Холандија, но на крајот сепак го поддржавме, велат од Австрискиот скијачки сојуз.
Според австриските медиуми, Хиршер веќе се фрлил на работа, а во текот на летото планира да тренира во Нов Зеланд за да биде во оптимална форма за стартот на следната сезона.
Хиршер победи на 67 трки во СК, а 138 пати се искачи на победничкиот подиум. На 35 години, тој нема да биде најстариот скијач во СК. Французинот Алексис Пинтуро и Американецот Томи Форд исто така имаат по 35, а Британецот Дејв Рајдинг 37 години.
CONFIRMED: Marcel Hirscher will return to the FIS Alpine World Cup at the age of 35 for the Netherlands 💥⛷️#fisalpine pic.twitter.com/Biff25RBHS
— Eurosport (@eurosport) April 24, 2024