Уште еден талент го напушти Манчестер Јунајтед

Норвешкиот плејмејкер Исак Хансен-Аарјоенен му се приклучи на Вердер Бремен од Манчестер Јунајтед, соопшти германскиот клуб. Договорот на играчот е до летото 2028 година.

Не е јасно колкава сума за трансфер ќе платат „бременските музичари“ за играчот од средниот ред, бидејќи на играчот му истекуваше актуелниот договор со „црвените ѓаволи“ и тој одби да го продолжи. Во последните денови беше објавено дека му бил понуден нов договор на „Олд Трафорд“, но недостатокот на можности за првиот тим го натера Хансен-Аарјоенен да се откаже.

Вердер моментално се наоѓа на деветтото место во Бундеслигата, без пораз во последните пет првенствени натпревари. Овој месец Манчестер Јунајтед се раздели со уште неколку свои млади таленти во форма на Ханибал Межбри, Факундо Пелистри и Алваро Фернандез.

ПОВРЗАНИ НОВОСТИ





НАЈНОВО