Мохамед Салах би можел да остане кај „црвените“ откако новиот менаџер, Холанѓанецот Андре Слот, потенцирал дека сака да го има напаѓачот во тимот и во наредната сезона.
Според објавата на новинарот Бен Џејкобс на социјалните мрежи, холандскиот стручњак е „исклучително заинтересиран“ египетскиот напаѓач да продолжи со играњето на „Енфилд. Салах сезонава одигра 41 натпревар во сите натпреварувања, постигна 24 гола и имаше 13 асистенции.
За Салах на кого договорот со Ливерпул му истекува во 2026-та, лани, но и годинава, заинтересирани се повеќе екипи од Саудиска Арабија и нема да биде изненадување доколку тој си замине, јасно за големи пари.