Шампионот на Европа и на Шпанија се заканува дека нема да игра на клупското Светско првенство (СП) што следното лето треба да се одржи во САД, од 15 јуни до 13 јули, во нов формат со дури 32 клуба. Ова го соопшти тренерот на „кралевите“ Карло Анчелоти во интервјуто за „Ил Џорнале“.
– ФИФА најавува ново клупско Светско првенство, но заборава дека многу клубови кои добиле право да играат на него, не сакаат и нема да го сторат тоа.
Еден натпревар на Реал Мадрид вреди 20 милиони евра, а ФИФА сака да ни даде толку за целото првенство. Ние ќе ја одбиеме поканата за тоа натпреварување, нема да играме, истакна Анчелоти.