Поранешниот дефанзивец на Барселона и Бразил, Дани Алвеш би можел да добие привремено ослободување од затвор, каде што е притворен откако беше прогласен за виновен за силување девојка кон крајот на 2022 година, ова го пренесува „Мундо Депортиво“.
Се известува дека следната недела, на 19 март, ќе се одржи сослушување за да се разгледа барањето на Алвеш за негово привремено ослободување.
Доколку ова барање биде прифатено, бразилскиот фудбалер ќе остане на слобода до правосилноста на пресудата.
Да потсетиме, Алвеш е осуден на затворска казна во времетраење од 4,5 години. Претходно, адвокатот на Бразилецот поднесе жалба за ублажување на оваа казна.